Хабарҳо
Баргузории ҷаласа оид ба пешниҳоди Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар бораи бартараф кардани сабаб ва шароитҳое, ки ба содир шудани ҳуқуқвайронкуниҳои хусусияти коррупсионидошта мусоидат менамоянд
Санаи 10-уми июли соли 2025 дар бинои дастгоҳи марказии Бонк пешниҳоди Агентии назорати давлатии молиявӣ ва мубориза бо коррупсияи Ҷумҳурии Тоҷикистон аз 17 июни соли 2025, таҳти №24.5-451 дар бораи бартараф кардани сабаб ва шароитҳое, ки ба содир шудани ҳуқуқвайронкуниҳои хусусияти коррупсионидошта мусоидат менамоянд, таҳти роҳбарии муовини якуми раиси раёсати Бонк – Худоёрзода Х.Б. ва бо иштироки намояндаи Раёсати Агентии назорати давлатии молиявӣ ва мубориза бо коррупсияи Ҷумҳурии Тоҷикистон, сардори шуъбаи муқовимат ба коррупсия – Турсунзода Ш.Х. баргузор гардид.
Дар муҳокима мудирон, муовинони мудир ва роҳбарони воҳидҳои сохтории дастгоҳи марказии Бонк иштирок намуданд.
Таҷлили Рӯзи ваҳдати миллӣ дар “Амонатбонк”
Санаи 26-уми июни соли ҷорӣ дар Корхонаи воҳиди давлатии “Бонки амонатгузории Ҷумҳурии Тоҷикистон “Амонатбонк”” бо иштироки муовини якуми Раиси Раёсат Худоёрзода Х.Б., муовини Раиси Раёсат Сафарзода Р.С. ва доираи васеъи кормандон бахшида ба Рӯзи ваҳдати миллӣ чорабинии тантанавӣ доир гардид.
Фестивали “Саводнокии молиявӣ” дар шаҳри Турсунзода
Санаи 25-уми июни соли ҷорӣ бо ибтикори Бонки миллии Тоҷикистон ва иштироки ташкилотҳои қарзии молиявӣ ва суғуртавӣ дар доираи фестивали “Саводнокии молиявӣ” дар Кохи дӯстии шаҳри Турсунзода форуми саводнокии молиявӣ ва намоиши маҳсулотҳои молиявӣ баргузор гардид. Фестивали мазкур дар асоси “Стратегияи миллии фарогирии молиявии Ҷумҳурии Тоҷикистон барои солҳои 2022-2026” бо мақсади баланд бардоштани сатҳи саводнокии рақамӣ, огаҳӣ ва пешниҳоди маълумот дар бораи маҳсулот ва хизматрасонии гуногун, инчунин ҳимояи ҳуқуқи истеъмолкунандагони хизматрасониҳои молиявӣ пешбинӣ гардидааст.
Шартномаи ҳамкорӣ байни КВД БА ҶТ «Амонатбонк» ва Федератсияи футболи Тоҷикистон
Санаи 24-уми июни соли ҷорӣ дар Раёсати КВД БА ҶТ «Амонатбонк» бо иштироки муовини раиси Раёсати Бонк Ризвонзода Ф.З., ноиби президенти Федератсияи футболи Тоҷикистон Искандар Ҷалилов, директори лигаи футзали Тоҷикистон Бахтовар Меликов ва аҳли кормандони Бонк маросими расонаӣ намудани шартномаи ҳамкорӣ миёни Амонатбонк ва Федератсияи футболи Тоҷикистон доир гардид.
Семинар-машварат дар мавзуи “Қонунгузории Ҷумҳурии Тоҷикистон дар соҳаи муқовимат ба коррупсия”
Дар санаи 17 ва 18-уми июни соли ҷорӣ таҳти роҳбарии муовини раиси раёсати Бонк Ризвонзода Ф.З. ва бо иштироки намояндагони Агентии назорати давлатии молиявӣ ва мубориза бо коррупсияи Ҷумҳурии Тоҷикистон, муовини сардори раёсати муқовимат бо коррупсияи Агентӣ Рабизода Д. ва нозири ҳамин ниҳод Зокирзода В. семинар-машварат дар мавзуи “Қонунгузории Ҷумҳурии Тоҷикистон дар соҳаи муқовимат ба коррупсия” баргузор гардид.